Avlopskrav ávirkar prís og tænastu

Príshækkingar, avmarkað førleikamenning og færri pengar til viðlíkahald og íløgur. Og haraftrat óheppin ávirkan á tænastustøðið, menningina og trivnaðin.

Tað eru avleiðingarnar, tí Rúsdrekkasølan skal hava góðar 16 mió. kr. í avlopi.

Í ársfrágreiðingini fyri 2020 verður sagt, at avlopskravið ger, at nógv færri pengar eru til íløgur og viðlíkahald.

Kravið um avlop var í 2010 hækkað næstan 50 prosent. 

Í fjør var avlopið hjá Rúsdrekkasøluni 16,3 mió. kr. Kravið var 300.000 kr. minni.