Fólkatingið verður sett í dag

05.10.2021 - 08:45
AktueltPolitikkur
Fólkatingið verður sett í dag
Klokkan níggju verður gudstænasta í slotskirkjuni á Christiansborg, og nýggja fólkatingssetan byrjar klokkan 11 okkara tíð
Sum siður er, verður farið í kirkju, áðrenn fólkatingið verður sett. Í miðjuni Edmund Joensen, fólkatingsmaður.
Mynd: RitzauScanpix  
 

Sum vant fyrsta týsdag í oktober verður fólkatingið sett í dag.

Á middegi danska tíð setur Bertel Haarder fólkatingsfundin.

Bertel Haarder hevur verið longst í fólkatinginum. Hann hevur verið fólkatingslimur í yvir 41 ár.

Setanarrøða og løglisti

Eftir at fólkatingið hevur valt formansskapin og skrivarar, heldur Mette Frederiksen, forsætisráðharri, setanarrøðuna.

Hon fer eisini at leggja fram listan við lógaruppskotum, sum stjórnin ætlar at leggja fram í tingsetuni.  

Setanarrøðan verður viðgjørd hósdagin. 

Løgmaður við

Fyri tingfundin í dag fara fólkatingslimirnir í Christiansborg Slotskirke til gudstænastu. 

Millum teirra, sum verður á Christiansborg, tá fólkatingið verður sett, er løgmaður. Eisini Jógvan á Lakjuni, løgtingsformaður, verður við til setanina. 

Gudstænastan, sum byrjar klokkan níggju okkara tíð, og setanin verða stroymdar á heimasíðuni hjá fólkatinginum.

Sí her.

Christiansborg er flaggskrýtt í dag, nú nýtt fólkatingsár byrjar. (Mynd: RitzauScanpix)
 

Er kopiera
Nýggjastu sendingar í ÚV
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Hósdag 26. mai
RagnarRokk: Jeppe Nissen um Copenhell
139458
Nýggjastu sendingar í SV
Hósdag 26. mai
Guðstænasta
140163
Hósdag 26. mai
Sært tú meg 3:3
140155
Hósdag 26. mai
Andaktin
140162
Mánadag 23. mai
3-2
140037
Sunnudag 22. mai
Andaktin
139968