Heilsutrygd dýrari enn væntað

Heilsutrygd kostar meira í ár enn væntað var, tá fíggjarlógin var gjørd og samtykt.

Í uppskotinum um eyjajáttanarlóg, sum kom í tingið í farnu viku, verður biðið um slakar 10 milliónir krónur aftrat til Heilsutrygd.

Talan er um 6,6 prosent meira enn játtanin var í fjør. 

Orsøkin er størri útreiðslur til hjálpiráð, fysioterapi og heilivág, sigur landsstýrið. 

Útreiðslurnar til hjálpiráð, millum annað til svøvnkøvutól,diabetestól og stomivørur, vaksa serliga nógv.