Stjórin í Bústøðum settur undir umsiting

14.10.2021 - 11:06
AktueltSamfelag
Stjórin í Bústøðum settur undir umsiting
Nýggj starvsskipan er gjørd fyri Bústaðir, og hon liggur nú til góðkenningar í Almannamálaráðnum
Andras Róin, stjóri í Bústøðum, er settur undir umsiting.
Mynd: Bjarni Árting Rubeksen  
 

Regin Hammer, stýrisformaður, hevur sett Andras Róin, stjóra í Bústøðum, undir umsiting. Tað hevur hann gjørt í nýggjari starvsskipan fyri Bústaðir, ið nú liggur til góðkenningar í Almannamálaráðnum. Andras Róin er ikki til arbeiðis í løtuni.

Stjórin sleppur hvørki at tosa við miðlar, ella kunna um bústaðarfelagið uttan góðkenning frá Regini Hammer, nevndarformanni.

Nýggj starvsskipan

Hetta hevur nevndarformaðurin gjørt við at seta nýggja áseting í starvsskipanina fyri Bústaðir.

Talan er um punkt 6.3 í starvsskipanini, har staðfest verður, at  "Stýrisformaðurin myndar felagið saman við stjóra. Stjórin úttalar seg vegna felagið eftir avtalu við stýrisformannin. Kunning úr felagnum er eftir avtalu við stýrisformannin".

Slík áseting hevur ikki áður verið í starvsskipanini fyri Bústaðir, men varð samtykt á stýrisfundi á mikkjalsmessu, tann 29. september. Tó ikki av einum samdum stýri. Tríggir stýrislimir vóru fyri broytingini og tveir ímóti.

Regin Hammer er formaður í stýrinum fyri Bústaðir.

Regin Hammer, stýrisformaður, Tom Silvurdal og Anna Maria Joensen, sum Elsbeth Mercedis Gunnleygsdóttir, landsstýriskvinna, tilnevndi sum nýggjar stýrislimir frá 1. mai í ár, atkvøddu fyri nýggju ásetingini.

Emmy Sandberg Joensen og Una Joensen atkvøddu ímóti. Tær eru einastu stýrislimirnir, sum ikki eru nýggir.

3-2

Starvsskipanin varð sostatt samtykt við trimum móti tveimum atkvøðum, og sum Kringvarpið skilir, er hetta við 3-2 atkvøðugreiðslu vorðin alsamt meira vanligur kostur í stýrisarbeiðinum.

Nýggja starvsskipanin skal formliga góðkennast av landsstýriskvinnuni í almannamálum, Elsebeth Mercedis Gunnleygsdóttur.

Landsstýriskvinnan vil ikki tosa við Kringvarpið um málið, men sigur í einum SMS-boðum: "Eg havi onki at siga til málið um uppskotið til starvsskipan hjá Bústøðum, tí tað er júst komið inn og verður fyrst viðgjørt av míni umsiting, áðrenn eg fái tað til støðutakan."

Eyðfinnur Jacobsen, advokatur, hevur drúgvar royndir sum nevdar- og stýrislimur. Í flestu førum hevur hann verið formaður. Hann undrast á nýggju ásetingina í starvsskipanini hjá Bústøðum.

Stjórin sjúkraskrivaður

Stjórin í Bústøðum, Andras Róin, er ikki til arbeiðis í løtuni. Hann er sjúkraskrivaður. Tað váttar hann fyri Kringvarpinum. Tá Andras Róin verður spurdur, um hetta hevur nakað við nýggju støðuna at gera, er svarið, at "hann kann ikki úttala seg um Bústaðir yvirhøvur".

Eitt annað nýtt punkt er eisini komið inn í starvsskipanina. Nú skal tað ikki longur vera stjórin, sum teknar stovnin við undirskrift, men stýrisformaðurin. Eisini skal stjórin biðja um loyvi frá stýrisformanninum, um hann ætlar at brúka peningaupphæddir, sum eru størri enn 500.000 krónur.

Stýrið fyri Bústaðir, sum tók við 1. mai, avmyndað saman við landsstýriskvinnuni í almannamálum, Elsebeth Mercedis Gunnleygsdóttir.
Er kopiera
Nýggjastu sendingar í ÚV
Mánadag 25. oktober
Nón 25. oktober 2021
130372
Mánadag 25. oktober
Norðurljóð 25.oktober 2021
130188
Mánadag 25. oktober
Upp á tá 25 sep 2020
130370
Mánadag 25. oktober
Betri-Deildin: Korona vil spæla við
130365
Nýggjastu sendingar í SV
Mánadag 25. oktober
3-2
130386
Sunnudag 24. oktober
Andaktin
130329
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041