Drap bretskan politikara í eini kirkju

Bretski parlamentslimurin, Sir David Amess, varð í dag stungin til deyðis, meðan hann tosaði við veljarar í eini kirkju í býnum Leigh-on-Sea í Essex.

Klokkan 12:05 fekk bretska løgreglan fráboðan um, at ein maður var stungin fleiri ferðir í Belfairs Methodist Church í Leigh-on-Sea. Sambært løgregluni var ein knívur funnin á staðnum, og ein 25 ára gamal maður er handtikin, undir illgruna fyri morð, skrivar BBC.

Sambært The Guardian fór maðurin inn í kirkjuna og stakk Sir David Amess fleiri ferðir við knívi. 

Koma av gøtuni at hitta politikarar

Løgreglan leitar ikki eftir øðrum í sambandi við morðið.

Tað er ikki óvanligt í Bretlandi, at politikarar hava sonevnd constituency surgery, har teir sita og taka ímóti fólki, sum koma inn av gøtuni og fáa eitt prát við politikaran. Tað var til eitt sovorðið tiltak, at Sir David Amess varð myrdur.

Sir David Amess var 69 ára gamal. Hann hevur sitið í bretska parlamentinum síðani 1983, har hann umboðaði Konservativa flokkin. Hann var giftur og átti fimm børn.

David Amess og politi