Mátingar á havbotninum eru framvegis ríkismál

29.10.2021 - 09:02
AktueltPolitikkur
Mátingar á havbotninum eru framvegis ríkismál
Trine Bramsen, verjumálaráðharri, sigur, at mátingar til sjókort kunnu vera trygdarpolitiskt viðkvæmar, tí tær vísa kaðalar, sum eru á havbotninum. Og figgindin kann brúka tær
Verjumálaráðið skal geva loyvi at gera mátingar av havbotninum við Føroyar.
 

Hóast Føroyar hava yvirtikið málsøkini sjókort og geodata, eru mátingar á havbotninum, sum hava uttanríkispolitiskan, trygdarpolitiskan og verjupolitiskan týdning, framvegis ríkismál.

Tað sigur Trine Bramsen, verjumálaráðharri, í svari til Sjúrð Skaale, fólkatingsmann.

Sjúrður Skaale spurdi, hví tey, sum ætla at gera mátingar til sjókort í Føroyum, skulu hava loyvi til tess frá donsku verjuni.

Skulu beina dátur burtur

Fyritøkan Wikmar í Havn, sum í nógv ár hevur kannað botnin í føroysku firðunum, hevur fingið boð um at burturbeina øll botndata, sum eru løgd út til almenna nýtslu síðani 1.januar 2020. 

Trine Bramsen sigur, at mátingar til sjókort kunnu vera trygdarpolitiskt viðkvæmar, tí tær vísa kaðalar, sum eru á havbotninum. Og før úr fíggindalondum kunnu brúka tær.

Tí skal Verjumálaráðið geva loyvi til slíkar mátingar.  Um aðrar mátingar enn til sjókort skulu gerast, kunnu føroyskir myndugleikar geva loyvi til tess, men bara eftir at hava spurt Verjumálaráðið.

Trine Bramsen sigur, at Verjumálaráðið tosar javnan við landsstýrið um hesi mál. 

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968