Stórur spenningur um valið í Keypmannahavn

Í dag er kommunu- og regiónsval í Danmark. 

4,6 milliónir veljarar skulu í dag gera av, hvør skal manna tey 98 kommunustýrini og fimm regiónsráðini í Danmark. 

Sambært donskum miðlum er serliga stórur spenningur um úrslitið av valinum í Keypmannahavn, tí tað kann eisini fáa ávirkan politisku støðuna á Christiansborg. Søguliga hava sosialdemokratarnir havt yvirborgarastjórasessin í danska høvuðsstaðnum, men á valinum í dag fáa sosialdemokratarnir harða kapping, serliga frá Eindarlistanum.

Málið um minkarnar

Eygleiðarar vilja verða við, at missa sosialdemokratarnir valdið í Keypmannahavn, kann orsøkin vera handfaringin hjá Mette Frederiksen, forsætisráðharra, av málinum um at taka allar minkar í Danmark av. Hetta málið hevur givið forsætisráðharranum og sosialdemokratunum stórar trupulleikar. 

Valstøðini í Danmark lótu upp klokkan sjey okkara tíð, og tey lata aftur í kvøld klokkan sjey.