Hvannasunds kommuna væntar 21 mió. kr. í inntøkum

19.11.2021 - 11:32
AktueltPengar
Hvannasunds kommuna væntar 21 mió. kr. í inntøkum
Kommunan roknar við at gera íløgur fyri seks mió. kr. og størsti parturin av hesum fer til nýggju útstykkingina í Hvannasundi
Savnsmynd
 

Hvannasunds Kommuna hevur samtykt fíggjarætlanina fyri komandi ár.

Hetta var gjørt á bygdaráðsfundi týsdagin.

Samlaða úrslitið gevur eitt hall á 3,1 mió kr. Hetta verður fíggjað við tøkum peningi.

Hvannasunds kommuna væntar at fáa knappar 21 mió kr í inntøkum, og tað fer at kosta 17,9 mió krónur at reka kommununa komandi ár.

 

Íløgur fyri seks mió. kr. 

Kommunan roknar við at gera íløgur fyri seks milliónir krónur.

Størsti parturin av hesum fer til nýggju útstykkingina í Hvannasundi. Fýra milliónir krónur eru settar av til tað.

Skattaprosentið verður óbroytt frá í ár, á 19,75 prosent, og barnafrádrátturin eisini, hann verður somuleiðis 7000 krónur komandi ár.

418 fólk búgva í Hvannasunds kommunu.

 

Navnakapping útskrivað

Í samband við útstykkingina, so hevur kommunan eisini skriva út navnakapping til nýggja búøkið.

Økið liggur millum vegirnar undir Rókini og undir Svartakletti, og kommunan sigur, at ynskiligt er at fáa eitt navn, sum fellur væl og sum hóskar væl til endamálið.

Freistin at lata inn uppskot er 4. desember, og kommunan letur virðisløn á 3000 kr til tað besta hugskotið.

Er kopiera
Nýggjastu sendingar í ÚV
Mánadag 26. september
Góðan morgun Føroyar 26.09.2022
145293
Mánadag 26. september
Morgunlestur mánadagur 26.september 2022
145289
Sunnudag 25. september
Meg minnist - Henrik Old (4:5)
145273
Sunnudag 25. september
Bolero: Konsertstykki úr 20. øld
145268
Sunnudag 25. september
Guðstænasta í Christianskirkjuni
145267
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955