Feløgini hjá Wan verða tvingsilsavtikin

bannari
26.11.2021 - 15:38
Aktuelt
Feløgini hjá Wan verða tvingsilsavtikin
Samband fæst ikki teir, sum varða av feløgunum.
 

Tey trý smápartafeløgini á Mykinesgøtu 5, El Nino, Coete og Kubilai Khan, eru nú øll í Skiftirættinum. Tey eru undir tvingsilsavtøku.

Tað eru feløg, sum Alain Wan hevur stovnað í Føroyum og sum hava bústað á Mykinesgøtu 5 í Havn.

Feløgini lótu ikki roknskap inn fyri 2020.

Í vikuni kom fram, at felagið El Nino, sum tá kallaðist All Oceans Logistics, fekk 120 milliónir krónur úr Kongo.

Bæði feløgini, El Nino og Kubilai Khan, eru tóm, har eru ongir pengar og ongar kontur eru í Føroyum.

Tey verða koyrd konkurs.

Taks hevur krav ímóti felagnum El Nino.

Tað er góðar 3,9 mió. kr. í partafelagsskatti fyri 2017.

Har er eisini tað, tey kalla krógvað vinningsbýti, ið tey, sum eiga felagið hefta fyri.

Onnur krøv eru ikki.

Coete er undir likvidasjón

Coete eigur tangaskipið Luna, ið, sum skilst, liggur óvirkið við bryggju í Kongo.

Coete er farið undir likvidasjón.

Birita Sandberg Samuelsen er trotarbúarstjóri í øllum trimum feløgum.

Hon hevur roynt at fáa samband við teir, sum varða av feløgunum, men higartil uttan úrslit.

Næsti fundur um øll trý feløgini er í Skiftirættinum tann 18. februar.

Er kopiera
Nýggjastu sendingar í ÚV
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Hósdag 30. juni
Summarmorgun 300622
141667
Nýggjastu sendingar í SV
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491
Leygardag 25. juni
Video: 10mf, jóansøka 2022
141489