Nes kommuna roknar við halli næsta ár

Skattaprosentið og barnafrádrátturin í Nes kommunu verða ikki broytt.

Skattaprosentið næsta ár verður eisini 20,5 og barnafrádrátturin 5.500 krónur.

Hallið í fíggjarætlanini, sum var samtykt í gjárkvøldið, er 4,4 mió. kr.

Lána fýra mió. kr. 

Fýra milliónir krónur skulu lænast.

Inntøkurnar eru mettar at verða 67,3 mió. kr. 

Rakstrarútreiðslurnar eru mettar at verða 58,8 mió. kr. 

Avsettar eru 12,9 mió. kr. til íløgur. 

Størsta íløgan, fýra milliónir, er at spreingja bakkan innan fyri MJ-saltsøluna og gera vinnuøki og leggja verjugrót í Oyrahavnini.