Kurz gevst í politikki

Fyrrverandi kanslarin í Eysturíki, Sebastian Kurz, gevst nú heilt í politikki.

Tað hevur hann boðað frá í dag.

Sebastian Kurz legði frá sær sum kanslari í oktober, eftir at ákæruvaldið boðaði frá, at hann var undir illgruna fyri mutur. 

Nú hevur ákæruvaldið ákært hann fyri at hava keypt sær positiva miðlaumrøðu við almennum pengum, og tí gevst hann heilt.

Hvørki halgimenni ella brotsmaður

 - Eg eri hvørki halgimenni ella brotsmaður, men eg eri eitt menniskja við feilum og veikleikum og øllum tí, sum hartil hoyrir, segði Kurz á tíðindafundi í dag, har hann boðaði frá avgerðini.

- Eg gleði meg til, at rætturin reinsar mítt navn, tí ákærurnar eru ógrundaðar, segði Kurz við blaðið, Kronen Zeitung.

Sambært danska kringvarpinum skal fíggjarmálaráðið í Eysturríki hava keypt lýsingar fyri 7,5 mió krónur í einum blaði aftur fyri positiva umrøðu og villleiðandi meiningakanningar, sum skuldu økja um undirtøkuna hjá Kurz.

Tá Sebastian Kurz legði frá sær í oktober, tók flokksfelagin í konservativa flokkinum, Alexander Schallenberg, við sum kanslari í Eysturríki