Helgi avloysir Edmund í fólkatinginum

Helgi Abrahamsen hevur tikið sæti á fólkatingi fyri Edmund Joensen, sum er farin í farloyvi í eitt styttri tíðarskeið.

Helgi Abrahamsen er í løtuni formaður í tingbólkinum hjá Sambandsflokkinum í løgtinginum, og hann er eisini næstformaður í Sambandsflokkinum.

Helgi Abrahamsen var landsstýrismaður í vinnu- og umhvørvismálum frá 2019 til 2021.

491 atkvøður

Á fólkatingsvalinum í 2019 fekk Helgi Abrahamsen 491 atkvøður, og hann gjørdist nummar fimm á listanum hjá Sambandsflokkinum. 

Hann fer til arbeiðis í fólkatinginum í morgin, tá spurnartími verður við Mette Frederiksen, forsætisráðharra.

Nevndarfundir og aðrir fundir verða eisini á skránni hesa vikuna.