Føroya Arena biðið løgtingið um 30 mió. kr. í stuðli

Føroya Arena hevur søkt løgtingið um 30 mió. kr. í stuðli. 

Høllin er mett at kosta 217,8 mió. kr. 

Tórshavnar býráð hevur givið tilsøgn um 108,6 mió. kr. í stuðli, og fólkatingið hevur játtað 30 millónir.

Hin helvtin av íløguni verður ætlandi fíggjað við stuðli frá landinum, grunnum og vinnufyritøkum í Føroyum og uttanlands, siga tey, sum skipa fyri.

Skal vera skuldarfrí

Føroya Arena í Havn fer at hava slakar 200.000 kr. í vinningi um árið.

Tað vísir fíggjarætlanin hjá tiltakinum.

Inntøkan verður 4,5 mió. kr. og útreiðslurnar 4,3 milliónir. Tá er góð hálv millión, sum skal í ein viðlíkahaldsgrunn, tald við.

Ætlanin er fíggja høllina við stuðli, so hon verður skuldarfrí, tá hon verður tikin í brúk seinnapartin í 2023.