- Tíðindi, mentan og ítróttur
Taka støðu til seming í næstu viku
Taka støðu til seming í næstu viku
Korona ger, at semingsroyndin millum Starvsfelagið, Lønardeildina og Kommunala arbeiðsgevarafelagið er útsett
Terje Sigurðsson og Fróði Sivertsen eru semingsmenn.
Mynd: Bjarni Árting Rubeksen
14.12.2021 - 10:06
Í næstu viku verður avgjørt, hvussu verður við semingsroyndini í sáttmálatrætuni millum Starvsfelagið, Lønardeildina hjá Fíggjarmálaráðnum og Kommunala arbeiðsgevarafelagið, sigur Terje Sigurðsson, semingsmaður.
Semingsroyndin skuldi byrja týsdagin í síðstu viku, men varð av ongum, tí onkur teirra, sum er við í samráðingunum, fekk koronu.
Boð vóru send eftir Semingsstovninum 29.november, tí semja fekst ikki um lønina.
Sáttmálarnir fóru úr gildi 1.oktober. Partarnir handaðu krøvini 22.september.
Fyrsti samráðingarfundur var 5.oktober.
Er kopiera
Nýggjastu sendingar í ÚV
Nýggjastu sendingar í SV
