Ísrael prikar fyri fjórðu ferð

Í dag fáa tey fyrstu fólkini í Ísrael 4. prikið fyri korona.

Tað skrivar Ritzau sambært heimasíðuni hjá danska kringvarpinum.

Tey fyrstu, sum fáa 4. prikið, eru 150 starvsfólk í heilsuverkinum.

Endamálið er at kanna, um tað loysir seg at bjóða 4. prikið til alt fólkið.

Heilsumyndugleikarnir í Ísrael hava longu mælt til, at øll fólk yvir 60 ár, skulu fáa 4. prikið, men nú skulu royndir eisini gerast fyri at finna útav, um hetta skal vera galdandi fyri fólk undir 60 eisini.