Bilar skolaðir oman á Kirkju

Tveir bilar eru skolaðir oman á Kirkju í Fugloy.

Bilarnir eru farnir við briminum tíðliga í morgun, og eru skolaðir einar 20 metrar oman.

Annar bilurin er settur, og hevur onga nummarplátu, men hin verður brúktur sum vanligt.

Báðir bilarnir hava fingið stóran skaða, og eru at kalla vrak, sigur Jógvan Páll Poulsen, sum býr á Kirkju. 

Skolaði upp um brimgarðin

Annar bilurin er skolaður upp um brimgarðin og er kílaður fastur í trappunum oman móti sjónum.

Bilur á Kirkju, Kirkja í Fugloy

(Mynd: Jógvan Páll Poulsen)

Enn er nógv brim á Kirkju, og onki verður gjørt fyri at fáa bilarnar niðan aftur, fyrr enn veðrið batnar.

Tað hevur verið av ringasta veðri á Kirkju á kirkju. Ein tekja reiv, men hon er gjørd aftur. 

Í Hattarvík er nakað av klædningi farin av tveimum húsum, og ein gamal hjallur er koppaður.