SSL: Eingin busskoyring, og bara Teistin siglir

Veðrið er enn sera ringt, og tað ávirkar virksemið hjá SSL, ið liggur meir ella minni lamið. 

"Alt liggur stilt hjá okkum, og tað er bara Teistin, ið siglir," sigur Marin Gaardlykke, ferðslusamskipari. 

Eingin busskoyring er yvirhøvur, og tað er óvist, hvussu tað verður við hinum Oyggjaleiðunum, sigur ferðslusamskiparin. 

Fólk kunnu kunna seg nærri um støðuna á ssl.fo. 

Mæla fólk frá at koyra í Havn

Politiið mælir fólki í Havn og har um leiðir frá at fara út at koyra í morgun, tí allir vegir eru ikki ruddaðir enn.

Nógvir skaðar hava verið í illveðrinum, og teir hava verið um alt landið, millum annað í Fuglafirði, á Eiði og í Sørvági.

Tekjan á Glæmuni í Kvívík reiv um hálvgum tíggju í gjárkvøldið.

Breyt beinið

Ein maður breyt beinið, tá hann fekk eina hurð á seg.

Nakrir bilar eru tiknir av vindinum og farnir av vegnum, tí hált er. Men eingin fólkaskaði hendi.

Oman fyri Hov gleið ein bussur av vegnum og endaði fýra metrar frá vegnum - á hjólunum.