NATO viðger støðuna í Ukraina

NATO hevur kallað saman til kreppufund um støðuna í Ukraina. Fundurin verður fríggjadagin.

Jens Stoltenberg, aðalskrivari, stendur á odda fyri fundinum.

Ætlanin er at umrøða støðuna á ukrainska markinum, har Russland hevur savnað nógv herfólk, og samstundis at umrøða verjuspurningar í Europa, sigur NATO í tíðindaskrivi.

- Uttanríkisráðharrarnir skulu umrøða støðuna sum er við og kring Ukraina, og samstundis skulu ráðharrarnir umrøða trygd í Evropa, upp undir samstarvsfundin millum NATO og Russland, sum verður 12. januar, siga tænastumenn við NTB.

Fundurin verður hildin á netinum, og eftir fundin skipar NATO fyri tíðindafundi.