Kim Engstrøm: HB skal vinna FM

Málið er at vinna FM, tí HB kann ikki brúka silvur ella bronsu til nakað.

So greiður er nýggi HB-venjarin, 42 ára gamli Kim Engstrøm, sum hevur gjørt trý ára sáttmála við høvuðstaðarfelagið. 

"HB er størsta felag í landinum, og eg eri sera bergtikin av góðu umstøðunum, sum eru kring felagið. Mær dámar eisini væl ta fótbóltshugsjón, sum HB byggir á, og í felagnum eru nógvir ungir spælarar, ið eru uppaldir í HB."

Kim Engstrøm kemur úr einum starvi sum U19-venjarin hjá danska stórfelagnum OB, har hann hevur verið í fimm ár. Í 2020 vann hann U19-meistaraheitið í Danmark. 
 

HB-viðhaldsfólkini, ið ofta verða skýrd at vera rættiliga kræsin, skulu vænta sær álopssinnaðan fótbólt, og kravið frá venjaranum er, at leikararnir skulu orka betur enn mótstøðuleikararnir.

Her er ein longri samrøða við nýggja HB-venjaran. 

Føroyskur fótbóltur er eisini í stórari menning, og tí er tað áhugavert at blíva venjari í Føroyum, heldur Kim Engstrøm, sum hevur UEFA Pro Licence-venjaraútbúgvingina.