Nú er hann ikki kongalig hátign longur

Nú er hann ikki kongalig hátign longur
Bretska kongshúsið tekur frástøðu frá Andrew prinsi, tí hann er vavdur upp í eina gølu um kynsligan ágang
Andrew prinsur hevur mist heitið kongalig hátign.
Mynd: RitzauScanpix  
 
14.01.2022 - 09:21

Í Bretlandi hevur Andrew prinsur mist heitið kongalig hátign.

Tað skrivaði bretska kongshúsið í tíðindaskrivi í gjárkvøldið.

Kongshúsið tekur samstundis frástøðu til hansara.

Boðini komu dagin eftir, at ein dómstólur í New York kom til ta niðurstøðu, at rættarmálið um, at Andrew prinsur hevur framt kynsligan ágang ímóti 17 ára gamlari gentu í 2001, kann halda fram.

Gjørdi avtalu við Epstein

Gentan, Virginia Giuffre, skrivaði í 2009 undir avtalu við Jeffrey Epstein, tá hann var ákærdur fyri at hava gjørt seg inn á Giuffre.

Hon fekk tá 500 túsund dollarar, og avtalan var eisini, at hon kundi ikki reisa sakarmál ímóti øðrum.

Men niðurstøðan í dómstólinum í New York er, at tann avtalan forðar ikki sakarmálinum millum Virginia Giuffre og Andrew prins.

Bretska kongshúsið sigur nú, at Andrew prinsur kann ikki átaka sær almennar kongaligar uppgávur, og hann fer at verja seg í rættarmálinum sum privatpersónur, skrivar bretska kongshúsið.

Virginia Giuffre saman við Andrew prinsi. Nú hevur ein gøla tikið seg upp um bretska prinsin, og kongshúsið tikið kongalig heiti frá honum.
 
Er kopiera
Nýggjastu sendingar í ÚV
Nýggjastu sendingar í SV
Hósdag 17. juli
Lívia Mattos í løtuni á G!
194633
Hósdag 17. juli
Orknleikir '25 #3
194624
Hósdag 17. juli
Benjamin Rajani & Jónas Gaard á G!
194619
Mikudag 16. juli
3-2
194579
Mikudag 16. juli
Dagur og vika - teknmálstulkað
194550