Uttanlandsnevndin viðger radaran í dag

Uttanlandsnevndin hjá løgtinginum fer seinnapartin í dag aftur at viðgera lofteftirlitsradaran.

Jenis av Rana, landsstýrismaður, ráðførdi seg við nevndina 9.desember í fjør um radaran, men nevndin hevur ikki svarað honum enn. 

Uttanlandsnevndin fer eisini at skipa seg í dag, tí Annika Olsen og Brandur Sandoy, sum vóru í nevndini fyri Fólkaflokkin, eru ikki longur í løgtinginum.

Tí skal Fólkaflokkurin koma við tveimum øðrum nevndarlimum. 

Uttanlandsnevndin fer haraftrat í dag at viðgera uppskotið hjá Tjóðveldi um at yvirtaka millum annað landslæknan.