Klokkuflytingarnar kunngjørdar

Í álmanakkum er klokkuflytingin longu komin, men kunngerðin um summartíð 2022 og 2023 kom fríggjadagin.

Í ár er summartíðin millum 27. mars og 30. oktober.

Klokkan verður flutt ein tíma fram 27. mars og ein tíma aftur 30. oktober. 

Lógin um summartið er frá 1980.

Ráðharraráðið vrakaði avgerð 

Í 2019 samtykti ES-tingið, at frá 2021 skuldu limalondini í ES sjálv gera av, um tey vilja hava vetrartíð ella summartíð alt árið.

Men hetta bleiv av ongum í fjør.

Ráðharraráðið tók ikki undir við avgerðini hjá tinginum.

Klokkutíðir, flyta klokkuna

Frítekst tagging: 

klokkutíðir

flyta klokkuna

Fólk vilja av við klokkuflytingina

ES-nevndin kom í 2018 við uppskoti um at taka av skipanina við vetrartíð og summartíð.

Tað varð gjørt eftir eina almenna hoyring, har 4,6 milliónir fólk í ES blivu spurd. 

84 prosent av teimum spurdu svaraðu, at tey vilja, at skipanin verður tikin av.