Noreg setur Taliban krøv

Norska stjórnin hevur sett krøv til sendinevndina hjá Taliban, sum seinastu dagarnar hevur vitjað í Norra.

- Vit hava sett greið krøv til Taliban í samrøðunum, sum hava verið í vikuni.

Tað sigur norski uttanríkisráðharrin, Anniken Huitfeldt, úr Arbeiðaraflokkinum.

Gentur aftur í skúla

Hon sigur, at samrøðurnar eru ein byrjan, og at tónin hevur verið púra greiður.

Á listanum yvir krøv er millum annað, at gentur yvir 12 ár skulu sleppa aftur í skúla í Afganistan. Esini skulu neyðhjálparfelagsskapir sleppa inn í landið at veita neyðhjálp. Allir afganar skulu hava atgongd til mat og heilivág, og mannarættindi skulu virðast.

- Nú fáa vit at síggja, um teir gera tað, sigur Anniken Huitfeldt, uttanríkisráðharri, við tíðindastovuna NTB.

Anniken Huitfeldt - Mynd: Aftenposten

Anniken Huitfeldt er uttanríkisráðharri í Noregi. (Mynd: Aftenposten)