- Tíðindi, mentan og ítróttur
Tjóðveldi stillar longu upp til løgtingsvalið
Tjóðveldi brynjar seg longu til valstríð upp undir næsta løgtingsval.
Og tað ger flokkurin í Hósvík.
Tí í annaðkvøld bjóðar Norðurstreymoyar Tjóðveldisfelag til fyrsta uppstillingarfund í bygdini.
Men tað er ikki tí, at tjóðveldisfólk hava fingið prei um, at val er á veg, sigur Rógvi Nybo, formaður í aðalstjórnini í Tjóðveldi.
Í staðin er ætlanin at fáa fleiri tjóðveldisfólk fram í almenna kjakið, áðrenn valstríðið av álvara fer í gongd.
Harumframt er hetta eisini liður í at styrkja tey valevni, sum hava hug at stilla upp, sigur Rógvi Nybo.
Hóast Tjóðveldi longu nú setur sjøtul á uppstillingina, so er ætlanin ikki at leggja síðstu hond á listarnar fyrr enn stutt fyri valið, sigur hann:
Løgtingsval verður í seinasta lagi í august næsta ár.