Trý skip á lodnuveiði í íslendskum sjógvi

Christian, Høgaberg og Fagraberg hava fingið loyvi at fiska lodnu í íslendskum sjógvi.

Tey hava fingið eginkvotu, 3.746 tons í part, og kunnu fiska frá 27.januar til 1.mai.

Treytin er, at til og við 17.februar kunnu skipini landa í mesta lagi 2.497 tons til frystingar uttanfyri Ísland, ella at frysta umborð. 

Skipini kunnu fiska við nót og uppisjóvartroli.

Føroyar eiga 30.000 tons av lodnu í íslendskum sjógvi.

Íslendski lodnufiskiskapurin er óføra góður.

Í síðstu viku landaði Børkur stívliga 3.400 tons á Seyðisfirði. Tað er størsta lodnulast, fólk vita um í Íslandi.