Macron bjóðar seg fram sum semingsmann

Emmanuel Macron, forseti í Fraklandi, bjóðar seg nu fram at vera semingsmaður í stríðnum millum Russland og Ukraina.

Týsdagin fer Macron vitja í Kiev í Ukraina, og haðani fer hann til Moskva. 

Í gjár tosaði franski forsetin fyri triðju ferð í hesari vikuni við russiska forsetan, Vladimir Putin.

Hann hevur eisini tosað við Volodymyr Zelenskyj, ukrainska forsetan, skrivar NTB. 
 

Putin í Kina

Vladimir Putin kom í morgun til Kina, har hann skal hitta við Xi Jinping, forseta. Hann skal eisini vera við til hátíðarhaldið, tá ið olympisku vetrarleikirnir verða settir.

Russiska tíðindastovan, Ria, boðar frá, at Putin fór beinleiðis at hitta Xi Jinping, tá hann kom til Peking. Teir skulu tosa og eta saman, skrivar NTB.