Hetlendingar vilja eisini hava undirsjóvartunlar

Í Hetlandi eru tey farin at tosa um at binda tær fýra oyggjarnar Yell, Unst, Whalsay og Bressay saman við undirsjóvartunlum.

Og fólk vilja gjalda tunnilsgjald, sum líkist tí, ferjurnar nú taka.

Millum annað hava fólk í Hetlandi spurt stjóran á Landsverki, Sigurd Lamhauge, um føroysku undirsjóvartunlarnar.

Tøkniliga ber til at gera undirsjóvartunlar til tær fýra hetlendsku oyggjarnar, sigur Andy Sloan, serfrøðingur, við Shetland News.

Hann sigur, at livitíðin hjá tunlunum er 200 ár.

Eitt endamál við at gera undirsjóvartunlarnar í Hetlandi er at fáa ungfólk at flyta til oyggjarnar og geva teimum somu møguleikar sum fólk í býunum.