Jeppe Kofod: Støðan er sera álvarslig

Ukraina skuldsetur Russland fyri at trýsta ávís viðurskifti ígjøgnum, sum kunnu rættvísgera eina innrás í landið.

Tað er orsøkin til, at vápnaða ósemjan í eystara partinum av Ukraina hevur broytt seg seinastu dagarnar. Nú verður skotið við alsamt tyngri vápnum.

Tað siga talsmenn fyri bæði ukrainska herin og fyri russisk-stuðlaðu uppreistrardeildirnar, sum siga hvønnannan vera mest ágangandi.

Í morgun boðaði herurin í Ukraina frá, at í gjár vórðu 60 brot á sonevndu Minsk-avtaluna, sum slóðaði fyri eini vápnahvíld í 2015.

Fleiri brot á vápnahvíldina

Í fyrradagin framdu loysingarfólkini átta brot á vápnahvíldina og týsdagin fimm. Tað er greitt tekin um, at støðan versnar, sigur ein talsmaður fyri ukrainska herin.

Danski uttanríkisráðharrin, Jeppe Kofod, sigur støðuna í Ukraina vera sera álvarsliga.

Hann boðsendi uttanríkisnevndini hjá fólkatinginum á fund í morgun at umrøða støðuna.

Undan fundinum segði uttanríkisráðharrin, at stjórnin ætlaði at kunna flokkarnar í fólkatinginum um donsku átøkini í mun til støðuna í Ukraina.

USA hevur ávarað

- Tað sum vit síggja, er júst tað sum USA hevur víst á, og tað er, at Russland roynir at broyta støðuna, sum gevur landinum rætt til innrás í Ukraina.

Jeppe Kofod og nógvir aðrir evropeiskir uttanríkisráðharrar hava heitt á Russland um at finna eina diplomatiska loysn, men hann sigur seg ivast stórliga.

- Talan hevur verið um eina ógvusliga nátt á markinum millum Ukraina og Russland, og russiskt-stuðlaðu deildirnar hava nýtt vápn, sum ikki eru loyvd eftir Minsk-avtaluni:

Jeppe Kofod, uttanríkisráðharri, sigur, at støðan versnar skjótt:

Danska stjórnin hevur gjørt av at taka herskipið, Esbern Snare heim, so tað kann vera við´i verjuni av Europa, og samstundis hótta Rusland.

Esbern Snare hevur seinastu tíðina verið í vesturafrika, fyri at verja handilsskip ímóti sjórænarum.