Prísurin á mjólk hækkar 4,5 prosent

Prísirnir á mjólk, mjólkarúrdráttum, djús og saft hækka 4,5 prosent 1. mars.

Tað boðar MBM frá í dag,

MBM sigur, at bæði útlendskir og føroyskir veitarar hava hækkað prísin á fóðri, flutningi, pakningi, íblandingarevnum, olju og øðrum vørum, sum hava týdning fyri framleiðsluna.

- Hesar príshækkingar eru so stórar, at tað slepst ikki undan at hækka prísin á okkara vørum, sigur MBM í tíðindaskrivi.

- Enn er ov tíðliga at siga, um príshækkingarnar á altjóða marknaðinum fara at standa við, ella um prísirnir lækka aftur, sigur MBM, sum sigur seg fylgja neyvt við gongdini.