Her kemur ukrainska samráðingarnevndin

Ukrainska sendinevndin kom fyrrapartin til markið millum Hvítarussland og Ukraina at samráðast við umboð fyri Russland.

Ukrainski verjumálaráðharrin, Oleksiy Reznikov, er við í samráðingarnevndini.

Reuters skrivar, at Ukraina fer at krevja vápnahvíld alt fyri eitt, og at russisku hermenninir taka seg aftur.

Vladimir Medinskij, sum stendur á odda fyri russisku samráðingarnevndini, hevur sagt, at Russland fer til samráðingarborðið við tí endamáli at fáa eina avtalu í lag, sum verður til frama fyri báðar partar, skrivar Ritzau.