Matveitingarvinnan skal eisini hava hjálparpakka

Nú er komin ein vinna aftrat, sum eigur at fáa koronustuðul.

Tað er cateringvinnan, matveitingar.

Meirilutin í Vinnunevndnini hjá løgtinginum, Bjarni Hammer, Henrik Old, Bjørt Samuelsen, Bjarni K. Petersen og Johan Dahl, heita á landsstýrismannin í umhvørvis- og vinnumálum um at koma við hjálparpakka til cateringvinnuna.

Uppsavningarpakki

Tey vilja eisini hava landsstýrið at koma við einum uppsavningarpakka, sum loftar teimum, sum eru dottin niðurímillum í  undanfarnum hjálparpakkum.

Og so halda tey, at tíðarskeiðið í hjálparpakkanum til listafólk eigur at verða longt og fleiri pengar skulu játtast. 

Annars tekur øll Vinnunevndin undir við uppskotinum um at geva skeinkistøðunum, sum lótu aftur kl.23.00, koronustuðul.