Vit keypa færri bilar

Eisini í mars vóru færri bilar skrásettir í Føroyum, enn í sama mánað í fjør.

Í mars í ár eru 210 akfør skrásett. Tey vóru 365 í mars í fjør.

Serliga persónbilarnir og vøruvognarnir eru færri í ár. 174 færri persónbilar eru skrásettir í ár, enn somu tíð í fjør.

Higartil í ár eru 252 færri akfør skrásett.

Innflutt brúkt akfør eru fleiri í ár sum í fjør, men tølini eru smá, 65 í ár og 51 í fjør.