Álitini um flóttafólkalógirnar koma í dag

Klokkan eitt í dag skulu nevndirnar, sum viðgera flóttafólkalógirnar, koma við álitum sínum.

Uppskotið um ríkislógartilmælið er í Rættarnevndini, uppskotið um atgongd til sjúkrahúsverkið í Trivnaðarnevndini, og uppskotið um eykajáttanarlóg er í Fíggjarnevndini.

Uppskotið um heilmild til at seta tiltøk í verk móti Russlandi, Hvítarusslandi og ikki-stjórnarstýrdu ukrainsku økjunum Donetsk og Luhansk á yvirtiknum málsøkjum á sama hátt sum ES og onnur samsint lond hava gjørt eftir innrásina í Ukraina hevur ikki havt fyrstu viðgerð í tinginum enn.

Bara framløga er á skránni fyri tingfundin seinnapartin.