Vilhelm Johannesen farin

Vilhelm Johannesen umboðaði Javnaðarflokkin sum løgtingsmaður og landsstýrismaður. Hann varð fyrstu ferð valdur á ting í 1980 og røkti tann sessin fram til 2008. 

Tvær ferðir vóru boð eftir honum í landsstýrinum. Fyrst frá 1979-81 og so aftur frá 1985-89. 

Umframt at vera virkin í landspolitikki sat Vilhelm Johannesen eisini í Klaksvíkar býráði frá 1975 til 1984.

Umframt at vera politikari starvaðist Vilhelm Johannesen eisini sum úttbúgvingarleiðari í postverkinum og var ábyrgdarblaðstjóri á Sosialinum frá 1972 til 1979.

Hann røkti eisini onnur álitisstørv og var m.a. formaður í stýrinum fyri Norðoya Røktarheim 1984-85, formaður í stýrinum fyri Klaksvíkar sjúkrahús 1991-1993 og formaður í Føroya Kommunufelag frá 1977 til 1979.

Fyrrverandi løgtings- og landsstýrismaðurin Vilhelm Johannesen andaðist pálmasunnudag, 79 ára gamal.