Fiskiskapur hóast høgtíð er

Hóast páskir eru, eru nógv fiskiskip úti.

Um næstu viku sigur Fiskamarknaðurin, at tvey ísfiskalínuskip eru úti. Fiskaríið er smáligt.

Tvey frystilínuskip eru við Ísland, fýra við Eysturgrønland og tvey eru undir Føroyum.

Um útróður verður sagt, at streymurin batnar sum vikan gongur og veðrið sær út til at blíva brúkiligt, so nakar útróður verður eftir páskir. 

Annar djúpvatnstrolarin fiskar svartkalva. Hin liggur.

Partrolarar

Um partrolarar sigur Fiskamarknaðurin, at fýra pør eru til fiskarí og koma øll at avreiða í vikuni. Tey hava smáligt fiskarí. 

Tvey pør fiska gulllaks.

Tveir trolbátar eru úti og koma báðir at avreiða fyrst í vikuni. 

Tvey garnaskip fiska svartkalva. Fiskaríð er smáligt. 

Tvey fiska havtasku. Bæði hava brúkiligt fiskarí. 

Øll garnaskipini avreiða í vikuni.