Leypa aftur á stálverkið í Mariupol

Russiskar deildir leypa í hesi løtu á stálverkið Azovstal í Mariupol. 

Tað skrivar Kyiv Independent nú seinnapartin.

Russland hevur sjálvt boðað frá, at tað aftur loypur á stálverkið við bumbum og raktettum.

Hetta hendir eftir drúgv bumbuálop í alla nátt. Tvey fólk lógu eftirá, siga keldur við ukrainska blaðið, Pravda.

Ukrainar flutt verjuna

Fyrradagin vóru nærum 100 fólk flutt úr stálverkinum, men har skulu framvegis vera umleið 1.000 fólk eftir.

Í fráboðanini sigur russiska verjumálráðið, at ukrainskar deildir hava gjørt sær dælt av vápnahvíldini, sum varð gjørd fyri at flyta fólk burtur, til at flyta verjuna hjá sær.

Nú eru deildir hjá russiska herinum og fólkalýðveldinum Donetsk í ferð við at oyðileggja nýggju støðirnar hjá ukrainsku verjuni, skrivar almenna russiska tíðindastovan, RIA.