- Tíðindi, mentan og ítróttur
Bjóða tjóðleikhúsið út um tvey ár
Bjóða tjóðleikhúsið út um tvey ár
Enn ber ikki til at siga, hvussu nógv tjóðleikhúsið fer at kosta, sigur Jenis av Rana, landsstýrismaður
05.05.2022 - 08:16
Ikki fyrr enn eftir summarfrítíðina um tvey ár verður arbeiðið at byggja tjóðleikhús boðið út.
Sambært tíðarætlanini verður klárt at bjóða arbeiðið út í seinnu helvt í 2024.
Tað sigur Jenis av Rana, landsstýrismaður, sum hevur svarað Anniku Olsen, løgtingskvinnu, sum spurdi um tjóðleikhúsið.
Pengar eru til arkitektakapping
Hann sigur, at í ár eru pengar til arkitektakappingina, sum er skrivað út fyri innbodnum.
Í ætlanartølunum fyri fíggjarlógirnar fyri 2023 og 2024 eru pengar settir av til projektering. Enn ber ikki til at siga, hvussu nógv tjóðleikhúsið fer at kosta, sigur Jenis av Rana.
Hann sigur, at samgongan tekur undir við, at slíkar verkætlanir kunnu partvís fíggjast við uttanhýsis fígging.
Nýggjastu sendingar í ÚV
Nýggjastu sendingar í SV