Arkitektakapping um nýggja Tjóðleikhúsið

Tey fimm undangóðkendu arkitektatoymini sleppa nú at kappast um at gera uppskot um nýtt tjóðleikhús á Eystaru bryggju í Havn.

Uttanríkis- og mentamálaráðið og Landsverk skipa fyri kappingini.

Undangóðkendu arkitektatoymini eru: 

• Kontrast
• Henning Larsen North Atlantic
• MAP Arkitektar
• SNA
• Zeta Arkitektar/Brim Arkitektar

Grundarlagið undir kappingini er kappingin um staðseting av Tjóðleikhúsinum, sum var hildin á vári í 2021. Síðani eru tillagingar gjørdar fyri heildarætlanina fyri Eystara havnarøki, sum Tórshavnar kommuna gjørdi eftir hugskotskapping í fjørheyst.

Kappingaruppskotini um Tjóðleikhúsið skulu vera inni 25. august, og miðað verður eftir, at dømingin av uppskotinum er liðug 5. september, sigur Uttanríkis- og mentamálaráðið.