Oljudálking í Suðuroy fyri rættin

Oljudálkingin í Froðba er nú komin í Føroya rætt.

Effo og Landsverk eru ákærd fyri oljudálkingina náttina millum 22. og 23.januar í 2018. 

Tá fóru 1800 litrar av flúgvarabensini í hagan og í eina á við tyrlupallin í Froðba.

Effo og Landsverk eru ákærd fyri at bróta lógina um umhvørvisvernd. Tann, sum eigur hagan, krevur endurgjald.

Tyrlupallur í Froðba, Oljudálking í Froðba

1800 litrar av flúgvarabensini fóru í hagan og í eina á við tyrlupallin í Froðba.

350 litrar í Trongisvágsfjørð

Effo er eisini ákært fyri tann 4.mai í 2020 at dálka sjógvin við Øravíkarlíð, tá olja var flutt millum ein tanga og ein oljuúrskiljara. Minst 350 litrar av gassolju fóru í eina á og haðani í Trongisvágsfjørð.

Talan er eisini her um brot á umhvørvisverndarlógina, sambært ákæruvaldinum.

Og eisini her er endurgjaldskrav.

Nokta seg sek

Ákæruvaldið krevur, at Effo og Landsverk rinda sekt. Effo og Landsverk nokta seg sek.

Málið byrjaði í Føroya rætti í gjár, men er ikki liðugt, tí okkurt vitni fekk ikki komið í gjár.

Nær viðgerðin heldur fram, er ikki avgjørt enn.