Samdir um leiguavtalu um Herjólf 3

Samdir um leiguavtalu um Herjólf 3
Føroyingar hava skrivað undir sáttmálan, men íslendsku undirskriftirnar verða ikki settar á avtaluna fyrr enn í næstu viku
Partarnir eru samdir um leigusáttmála um Herjólf, men íslendingar hava ikki skrivað undir enn.
Mynd: Marine Traffic  
 
20.05.2022 - 13:36

Strandferðslan og íslendska felagið, Vegagerðin, eru samd um leiguavtaluna av ferjuni Herjólfi 3.

Skrivast skal undir avtaluna bæði í Føroyum og Íslandi. Føroyingar hava skrivað undir, og íslendsku undirskriftirnar verða settar á avtaluna í Íslandi í næstu viku.

Jóhan Petur Abrahamsen, virkandi stjóri á Strandferðsluni, vil ikki gera samrøðu við útvarpið um avtaluna, fyrr enn hon er endaliga undirskrivað. Hann leggur tó dent á, at báðir partar eru samdir um leiguavtaluna.

 

Farmaskip og avloysaraskip

Ætlanin er, at Herjólfur 3 skal í sigling um Suðuroyarfjørð, fyrst og fremst sum farmaskip afturat Smyrli, 3-4 dagar um vikuna. 

Men tá ið Smyril skal í dokk, ætlandi seinast í august,  ferl Herjólfur 3 at røkja siglingina um Suðuroyarfjørð.

Áðrenn Herjólfur 3 kann brúkast á farleiðini millum Havnina og Krambatanga, skal ferjan til fimm ára klassing, og koyrirampan aftan skal esini leingjast. Haraftrat skal bjargingarútgerðin dagførast, so hon lýkur krøvini í Føroyum. 

Strandferðslan ætlar at leiga Herjólf 3 fyribils í umleið 15 til 17 mánaðir. Tó vil íslendski eigarin sleppa at brúka skipið sum avloysaraskip í Íslandi nakrar vikur í oktober.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652