Útstykking í Leirvík um at vera liðug

Útstykkingin í Leivík er um at vera liðug. 

Tað er komið so langt við arbeiðinum við nýggju útstykkingini, at nú verður asfalt lagt á vegirnar. Annað arbeiði er eisini um at vera liðugt, eitt nú avgrevstur, planering, kloakk- og vatnleiðingar, innføringar, kantsteinar og montering av ljóssteyrum.

Útstykkingararbeiðið skuldi vera liðugt í september í ár, men tað hevur gingið so væl, at arbeiðið verður liðugt longu í summar, skrivar Eysturkommuna á heimasíðu sínari. 

16 grundstykkir eru gjørd byggibúgvin, og tey verða boðin út eftir summarfrítíðina.