Videomyndir: Fólkaatkvøða í Danmark

Í dag skulu fólk í Danmark taka støðu til, um Danmark skal sleppa fyrivarninum, sum landið hevur havt mótvegis ES, tá talan er um hernaðarmál.

Stjórnin tók avgerð um at skipa fólkaatkvøðu, eftir at Russland gjørdi innrás í Ukraina.

Nýggjasta kanningin, sum Megafon hevur gjørt fyri TV2, vísir, at ein stórur meiriluti av danska fólkinum er fyri at sleppa fyrivarninum.

65,3 prosent ja og 34,7 nei

Sambært kanningini siga 65,3 prosent av teimum, sum hava tikið støðu,  ja til at sleppa fyrivarninum, og 34,7 prosent siga nei.

Men fólk eru eisini í iva, tí 19 prosent siga seg ikki hava tikið støðu til spurningin.

Kanningin hjá Megafon var gjørd í gjár og í fyrradagin, og yvir 2.000 fólk vóru spurd.

Bæði Mette Frederiksen forsætisráðharri, og Jakob Ellemann-Jensen, formaður í Vinstra, hava verið á gøtuni fyrrapartin og heitt á veljaran um at atkvøða fyri at taka ES-fyrivarnið av.

Sí videomyndir frá danska kringvarpinum her: