Stórur meiriluti fyri at sleppa fyrivarninum

02.06.2022 - 08:33
AktueltÚtheimurin
Stórur meiriluti fyri at sleppa fyrivarninum
Á fólkaatkvøðuni í gjár vóru 67 prosent vóru fyri at sleppa fyrivarninum um verjusamstarvið í ES, og 33 prosent vóru ímóti
Mette Frederiksen, forsætisráðharri, fegnast um úrslitið av fólkaatkvøðuni í gjár.
Mynd: Ritzau Scanpix  
 

Danmark skal sleppa fyrivarninum um verjusamstarvið í ES.

Tað er greitt eftir fólkaatkvøðuna í gjár.

66,9 prosent vóru fyri at sleppa fyrivarninum og 33,1 prosent atkvøddu nei.

 

Týdningarmikið stig

- Tað er eitt týdningarmikið stig, sum danska fólkið hevur tikið, og eini greið boð til Vladimir Putin, forseta í Russlandi, at Danmark nú stendur saman við hinum londunum í Europa, tá talan er um verju, segði Mette Frederiksen, tá úrslitið varð almannakunngjørt.

Hóast fyrivarnið um verjusamstarvið nú verður sett úr gildi, skal fólkatingið í hvørjum einstøkum føri taka støðu til, um Danmark verður partur av tiltøkum, sum ES fer undir.

Valluttøkan var lítil á fólkaatkvøðuni í gjár, bert 65,8 prosent atkvøddu. Bara einaferð fyrr hevur valluttøkan verið minni. Tað var,  tá fólk skuldu taka støðu til patentdómstólin í 2014, skrivar DR.

Mette Frederiksen gjørdi greitt, at Danmark ikki hevur ætlanir um at seta onnur fyrivarni úr gildi, sum landið hevur mótvegis ES.

 

Valluttøkan á fólkaatkvøðuni í gjár var lítil, bara 65,8 prosent. (Mynd: Ritzau Scanpix)

 

Fólkatingsval í heyst

Hildið verður, at nú fólkaatkvøðan um verjuna er av, byrjar valstríðið til fólkatingsvalið.

Nær tað verður, er ikki greitt, men val til fólkatingið skal vera í seinasta lagi um eitt ár.

Tosað verður um, at Mette Frederiksen kanska fer at framskunda fólkatingsvalið til í heyst.

Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956