Hevur longu fingið 40.000 undirskriftir

Hevur longu fingið 40.000 undirskriftir
Nýggi flokkurin, Danmarksdemokratarnir, hevur tvær ferðir so nógvar undirskriftir, sum eru neyðugar, fyri at stilla upp til fólkatingsval
Inger Støjberg skipaði fyri tíðindafundi í gjár, tá hon kunngjørdi nýggja flokkin, Danmarksdemokratarnar.
Mynd: Ritzau Scanpix  
 
24.06.2022 - 09:30

Tað er ikki meira enn eitt samdøgur síðani, at Inger Støjberg kunngjørdi nýggja flokkin, Danmarksdemoktararnir.

Men, longu nú er greitt, at 40.321 danskarar hava givið henni váttan um stuðul til at stovna flokkin, skrivar TV2.

Váttanirnar skulu tó kannast nærri og góðkennast, áðrenn tær eru endaliga galdandi til uppstillingina.

Sostatt hevur Inger Støjberg fingið væl meira enn tær 20.182 undirskriftirnar, ið skulu til fyri at stilla upp til næsta fólkatingsval.

 

Varpar ljós á øki uttan fyri Keypmannahavn

Týsdagin góðkendi valnevndin floksnavnið "Danmarksdemokratarnir - Inger Støjberg".

Og í gjár váttaði fyrrverandi ráðharrin hjá Vinstraflokkinum eisini tað, sum gitt hevur verið um í fleiri mánaðir.

Fyribils eru bara Støjberg sjálv og tvey onnur fólk í flokkinum. Fleiri fyrrverandi fólkatingslimir hjá Dansk Folkeparti vístu áhuga fyri nýggja flokkinum, eftir at tíðindini bórust í gjár.

Inger Støjberg sigur, at hon serliga fer at varpa ljós á økini, sum eru uttan fyri Keypmannahavn, heilsuøkið og viðurskiftini hjá fyritøkum.

Sostatt er eisini greitt, at fyrrverandi ráðharrin hjá Vinstraflokkinum fer at leggja seg eftir øðrum enn stranga útlendingapolitikkinum, sum hon annars boðaði frá.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584