Farmaflogfar minkar um CO2-útlátið

30.06.2022 - 09:14
AktueltVinna
Farmaflogfar minkar um CO2-útlátið
Eitt farmaflogfar hevði verið við til at minka um CO2-útlátið hjá fyritøkuni, sigur Regin Jacobsen, stjóri
 

- Tað hevur tikið longri tíð enn væntað hjá Bakkafrosti at finna eitt flogfar at røkja farmaflutningin til amerikanska marknaðin.

Tað sigur Regin Jacobsen, stjóri í Bakkafrosti, sum í longri tíð hevur havt ætlanir um at flúgva feskan laks beinleiðis úr Føroyum á amerikanska marknaðin. Og ætlanin er ikki broytt.

Fyri eini viku síðani endurgav Dimmalætting grein úr The Guardian.

Blake Lee-Harwood frá Sustainable Fisheries Partnership, ið ráðgevur stórar handilsketur um veðurlags- og umhvørvisvinaligan innkeypspolitikk, heldur, at feløg eiga at fara eftir lægsta møguleikanum, tá tað kemur til CO2-útlát, heldur enn at hugsa um at stytta um flutningstíðina. 

- Vit halda, at fiskaídnaðurin eigur at ganga á odda á veðurlagsøkinum, sum merkir, at hugt verður burtur frá flogfarmi í framtíðini - í øllum førum fyri alilaks, sigur Blake Lee-Harwood, skrivaði dimma.fo

Men Regin Jacobsen sigur í dag við Kringvarpið, at Bakkafrost minkar um CO2-útlátið við at flúgva laksin beinleiðis úr Føroyum, og hann kennir einki til, at kundarnir í USA heldur vilja hava laks, ið verður sigldur til USA. 

Regin Jacobsen

Caption: 
Regin Jacobsen er stjóri í Bakkafrosti. Hann væntar, at eitt farmaflogfar fer at minka um CO2-útlátið hjá stóru alifyritøkuni.

Bakkafrost arbeiðir tí víðari við ætlanunum um at keypa eitt flogfar til endamálið. 

Ein annar laksaútflytari í Føroyum, Hiddenfjord, gavst hinvegin á heysti í 2020 við at flúgva feskan laks til USA, og allur útflutningurin fer nú skipi.
 

Er kopiera
Nýggjastu sendingar í ÚV
Mánadag 26. september
Við Tórði á túri at reka í Lítlu Dímun
145338
Mánadag 26. september
Norðurljóð 26.september 2022
144480
Mánadag 26. september
Eitt deiligt punktum
145314
Mánadag 26. september
Mono - Dávidssálmar (3:5)
145305
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955