Hotell- og gistingarhúsvinnan gyltar dagar

Ferð er aftur komin á gistingarhúsvinnuna í Føroyum. Gistingarhúsini í landinum seldu í fjør 173.913 gistinætur, sum er tað mesta, síðani Hagstovan byrjaði at skráseta tølini í 2013.

Í 2019, áðrenn korona kom higar, seldu hotellini og gistingarhúsini 166.452 gistinætur, sum eru 7.461 færri enn í fjør. Til samanberingar seldu tey bara 94.940 gistinætur alt árið 2020, tá ið korona órógvaði ferðavinnuna.

Líkt er eisini til, at árið í ár fer at roynast væl hjá gistingarhúsunum og hotellunum í Føroyum. Bara í mai seldu tey 29.586 gistinætur, sum eru 3.500 fleiri enn bæði mai og juni í fjør, vísa nýggj tøl hjá Hagstovuni.