Íbúðir til Almannaverkið byggjast á Toftum

Bústaðir skal eftir ætlan byggja íbúðir á Toftum til Almannaverkið. Nes kommuna hevur samtykt at gera rammuavtalu við Bústaðir um at byggja 19 íbúðir í bygdini, sigur kommunan.

Síðan januar 2021 hevur Nes kommuna samskift við Almannaverkið um at byggja íbúðir til serligar málbólkar. Almannaverkið hevur síðani heitt á Bústaðir um at standa fyri verkætlanini, skrivar kommunan í tíðindaskrivi.

Í juni hava partarnir gjørt eina rammuavtalu, sum varð einmælt samtykt á bygdaráðsfundi mánakvøldið. Nes kommuna fer eftir summarfrítíðina at gera økið byggiklárt, so Bústaðir kunnu gera klárt at byggja tær 19 íbúðirnar.