Ung sleppa aftur á filmsskúla í summar

Filmsskúlin, Nóllywood, verður í ár í døgunum frá 5. til 11 august. Nóllywood er ein filmsskúli fyri ung millum 14 og 18 ár, ið eru áhugað í filmi og í at læra at framleiða filmar.

Tey ungu, ið luttaka á Nóllywood-filmsskúlanum, fáa undirvísing frá føroyskum filmsfólkum, og síðani framleiða tey í felag stuttfilmar

Filmsskúlin var fyrstu ferð í Nólsoy í 2010, og hann hevur eisini verið í Nólsoy tey flestu árini. Í ár verður Nóllywood tó hildin á Føroya Fólkaháskúla í Havn.