Formaðurin í fíggjarnevndini: SSL má umskipast

Neyðugt er at umskipa Strandferðsluna, so at til ber at arbeiða fram í tíðina.

Tað sigur Erhard Joensen, formaður í fíggjarnevndini.

Fleiri politikarar og ein fakfelagsleiðari hava funnist hvassliga at ætlanini hjá Una Rasmussen, landsstýrismanni í samferðslumálum, nú hann ætlar at umskipa Strandferðsluna. 

Uni Rasmussen

Men landsstýrismaðurin heldur seg hava undirtøku í samgonguni, nú hann ætlar at skipa Strandferðsluna sum eitt alment partafelag ella ein almennan grunn.

Erhard Joensen

Erhard Joensen heldur tað sama.

Landsstýrismaðurin heldur, at best er at sipa SSL sum eitt alment partafelag.

Erhard Joensen heldur ikki, at tað verður bíligari at umskipa strandferðsluna.

Erhard Joensen og Uni Rasmussen

Formaðurin í fíggjarnevndini sigur, at ein tænastusáttmáli má gerast, har tað eisini verður greitt, hvussu nógvar útreiðslurnar vera, og tað skal landskassin rinda.

Um ætlaði tænastusáttmálin verður gjørdur missa politikararnir møguleikan at blanda seg uppí, tá ið ferðaætlanir verða gjørdar. 

Landsstýrismaðurin væntar ikki tær stóru broytingarnar í ferðaseðlaprísum, og tó, so skulu útlendingar møguliga gjalda meira.

Landsstýrismaðurin veit ikki enn, nær uppskotið um at broyta strandferðsluna verður lagt fram. Bara at tað verður eina ferð í heyst.