Tvey ferðsluóhapp í morgun

Fyrra hendi omanfyri Norðskála, umleið klokkan hálvgum níggju, tá ið ein bilur fór útav. Førarin var einsamallur í bilinum og hann fekk ongan skaða.

Seinna hendi ein tíma seinni, umleið klokkan hálvgum tíggju, tá ið ein bilur fór út av vegnum millum Stykki og Kvívík. Ein maður var í bilinum, og neyðugt var at klippa hann leysan, og hann varð síðani fluttur á Landssjúkrahúsið, og løgreglan fylgdi við. Løgreglan sigur nú, at hann hevur ikki fingið stórvegis skaða, og støðan hjá honum er góð. 

Løgreglan upplýsir, at í hvørgum av førunum eru ábendingar um, at rúsdrekka hevur verið uppií. 

Í báðum førum er tó talan um stóran materiellan skaða.